Kinderwerf is die top Afrikaanse opvoedkundige webwerf in die land! Kinderwerf voorsien unieke opvoedkundige produkte in Afrikaans! Kinderwerf besit ook die Loebi aktiwiteitsklub wat ‘n aktiwiteits en leesklub is vir kinders van 0-7 jaar. Vir meer inligting oor Kinderwerf gaan … Lees voort
My Pa
“Vir gevaarlike goeters is ek baie bang-
vir ‘n leeu, ‘n tier, ‘n wolf…en ‘n slang.
Maar my pa is so dapper, so groot en so fris-
ek skrik vir niks as hy by my is!”
Uit: Versies vir Suikerklontjies – CN van der Merwe, 1989
Reg vir pos!
Baie geluk aan die volgende wenners wat elkeen in die eerste week van Maart ‘n Loebi tydskrif in hul posbus sal ontvang!
1: Willemien Hart van Magalieskruin
2: Yolandie Heyns Bonaero Park
3: Paula Carstens Malelane
4: Maryna Coetzee Vanderbijlpark
5: Florence Thomas Pierre van Ryneveld
6: Jana Grobler Marble Hall
7:Nicky van Huysteen, Paarl
8: Nazera Cordier, Nelspruit
9:Charlene Rossouw, Montana
10:Elizna Kemp, the Bridge
11:Rina de lange, Kriel
12:Marelise Kojetin, Middelburg
13: Marina Pienaar,, Menlopark
14:Johanette Joubert,Kinross
15:Nicky v Huysteen, Paarl
16:Evette Cilliers,Ladysmith
17:Mari Rossouw, Danhof
18:Tanya de Kock, Boksburg
19: Elaine Spang, Waverley
20: Gerda Theron, Kathu
21:Martie Maritz, Parys
22:Leilane Vorster, Lyttleton
23: Karen Dippenaar, Sturbensvallei
24: Cecile Kotze, Nelspruit
25: EM Mostert, Boordfontein
26: Tanya rossouw, Steelpoort
27: Cecile White, Wilropark
28: Ezelle Kimble, Heidelberg
29: Meliza Swart, Upington
Dan is die volgende wenners wat in ons omgewing woon genooi om hulle tydskrifte te kom afhaal:
30: Dorette Taljaard
31: Karin Coetzee
32: Miriam Thiart
Hou gereeld ons Facebookblad dop by www.facebook.com/kinderwerf vir nog kompetisies!
So tussen doeke, bottels en sopnat soentjies het jy gedink jy weet alles van babas af! Moenie so seker wees nie, hier is ‘n paar interessante feite van babatjies wat jy dalk nie geweet het nie:
* Babas wat in Mei gebore word is gemiddeld 200 gram swaarder by geboorte as ander kinders!
* ‘n Pasgebore baba se kop beslaan ‘n kwart van sy gewig.
* Daar word elke drie sekondes ‘n baba gebore.
* Die rede waarom klein babatjies se asem so lekker ruik is omdat hulle nie tande het nie. Tande versamel slegruikende bakterieë , wat die oorsaak is van ‘n onwelriekende asem.
* Babas met geboorte erken hulle mamma se stem en kan dit van ander stemme onderskei.
* Hulle verkies vroulike stemme bo manlike stemme
* Jou baba het perfekte toonhoogte, iets waarmee net een uit 10 000 volwassenes kan spog!
* Op 5 daggies kan jou babatjie jou borsmelk van ander mammas se borsmelk onderskei.
Wat is julle opinie oor jong kindertjies en babas wat in Pappa en Mamma se bed slaap? Mens hoor dikwels dat dit ‘n groot NEE is, maar daar is ook voordele van ‘n gesinsbed:
1: Versterk binding tussen ouers en baba
2: Help om mamma en baba se slaappatroon te reguleer
3: Jy hoef nie in die nag op te staan vir jou kind/baba nie.
4: Dit stimuleer melkvoorraad en moedig so borsvoeding aan.
5: Jy kom vinniger agter as daar iets fout is met jou kind.
6: Studies het al gewys dat kinders wat die gesinsbed gedeel het as volwassenes meet selvertroue en selfagting as die wat nie by hulle ouers geslaap het nie.
7: Seuns wat die ouerbed gedeel het, het later meer selfrespek.
8: Dogters het weer later minder probleme met intimiteit.
9: Kinders wat by hulle ouers slaap is nie bang vir slaaptyd nie, en wanneer hulle ouer word en in hulle eie kamer slaap is slaaptyd iets wat hulle goed en veilig laat voel.
If I had my child to raise all over again,
I’d build self-esteem first, and the house later.
I’d finger-paint more, and point the finger less.
I would do less correcting and more connecting.
I’d take my eyes off my watch, and watch with my eyes.
I’d take more hikes and fly more kites.
I’d stop playing serious, and seriously play.
I would run through more fields and gaze at more stars.
I’d do more hugging and less tugging.
— Diane Loomans, from “If I Had My Child To Raise Over Again”
Februarie is die maand van liefde! Hier is 20 maniere om vir jou kind te sê:” Ek is lief vir jou”
1) Laat haar toe om te mors
2) Speel saam met haar
3) Vertel hom jy is trots op hom.
4) Glimlag vir haar die oomblik wat jy haar sien.
5) Moenie voor jou kind baklei nie.
6) Vra haar mening oor dinge
7) Dans saam!
8) Kyk na jou babatjie as jy hom voer.
9) Maak altyd tyd vir jou kind.
10)Jy kan nooit genoeg sê dat jy lief is vir haar nie.
11) Blaas vir jou kindertjies soentjies
12) Dra haar gusnteling kleur
13) Hardloop saam met hom deur die sproeier
14) Vra haar wat sy die dag wil doen.
15)Teken saam prentjies
16) Help hom om die mens te word wat hy is, nie wat jy wil hê hy moet wees nie.
17) Dink lawwe byname vir mekaar uit.
18) Maak dit pret om doeke te ruil. Kielie hom, trek gesigte, sing liedjies en maak geluide.
19)Luister na jou kind.
En nommer 20…. die belangrikste van alles: wees lief vir haar nes sy is!
Ons kry dikwels op Kinderwerf versoeke van ouers en onderwysers vir Afrikaanse rympies om die kleinspan te leer om hulle skoenveters vas te maak. Met die hulp van ‘n paar oulike mammas op ons Facebookblad www.facebook.com/kinderwerf het ons die volgende rympies vir julle gevind. Watter een is jou gunsteling?
Hasie-gaatjie
Hasie-gaatjie
om die draaitjie,
spring gou deur,
vasgekeer! (Met vasgekeer trek jy die veter vas!)
Twee klein wurmpies:
Twee klein wurmpies,
Piet en Tom,
die enetjie trek sy ruggie krom,
die ander hardloop om en om,
kruip so woeps onderdeur Tom,
nou is altwee se ruggies krom!
In die gat…
In die gat is daar n boom (maak knoop)
In die boom is daar n gat (maak n strik)
Om die boom dans die haas (vou die veter om die ander veter)
In die gat val die haas (steek een veter deur ander veter)
Woeps val die boom se gaatjie plat. (trek die veters styf)
Daar was ‘n boompie…
Daar was ‘n boompie,
hasie hardloop om die boompie,
in die gaatjie
en daar steek die ore uit!
Twee kleine hasie maatjies
Twee kleine hasie maatjies gee mekaar n drukkie.
Twee kleine hasie maatjies het ‘n gaatjie.
Een kleine hasie maatjie hardloop rondom die boompie.
Een kleine hasie maatjie spring in die gaatjie,
en daar trek ons die oortjies!
Vas is die skoentjie my pampoentjie!
DIE HAANTJIE
Haantjie klap sy vlerkies toe
En sê Koeke-doedel-doe!
Dit is tyd om op te staan:
Kinders moet nou skool toe gaan.
Haantjie, waarom tog so vroeg?
Ag, ek is tog nog so moeg.
Haantjie, stil tog asseblief
Ek het my slaap so lief.
Kinders, nee, dit is al laat
Al die mense loop op straat,
Eenmaal nog roep ek jul toe:
Koeke-doedel-doedel-doe!
KAALVOETJIES
Ek loop so graag met voetjies kaal,
Kaalvoetjies in die sand;
Ek speel so graag met water,
Met water buitekant.
Maar Moeder roep my binne,
Sy sê ek mors te veel.;
Ek wonder tog of iemand
Ooit sonder mors kan speel.
“Twee blommetjies vir Mamma
want sy kook my kos.
Nog twee blommetjies vir Mamma,
sy maak nare knope los.
Twee blommetjies vir Mamma
want sy sing vir my.
Nog twee blommetjies vir Mamma,
sy sit pleisters op ‘n sny.
Twee blommetjies vir Mamma
want sy luister as ek kla.
Al die blommetjies vir Mamma.
Sy is die mooiste, beste Ma”
-Alba Bouwer-
Kinderwerf 